Elimizde Qazaqstan esimdi qansha azamat bar

ASTANA. KAZINFORM — Ulttyq statıstıka bıýrosy usynǵan aqparatqa sáıkes elimizde Qazaqstan esimdi 28 azamat turady.

Vedomstvo atap ótkendeı, olardyń kópshiligi Qaraǵandy oblysynda (7 adam) jáne Aqmola oblysynda (6 adam) ekeni anyqtaldy. 

— Qostanaı oblysy men Astanada — árqaısysynda 3 azamattan, Almaty men Mańǵystaý oblystarynda jáne Shymkent qalasynda — árqaısysynda 2 adamnan bar. Al Aqtóbe, Batys Qazaqstan jáne Pavlodar oblystarynda — bir-bir azamattan turady. 28 adamnyń ishinde tek bir áıeldiń esimi ǵana Qazaqstan, — delingen habarlamada.

Statıstıkalyq derekter boıynsha eń qart Qazaqstan 92 jasta, eń jasy 25-te ekeni naqtylandy.

Budan buryn Ulttyq statıstıka bıýrosy halyqtyń ómir súrý sapasy týraly zertteý nátıjelerin jarııalady.