Elimizde Qazaq ulttyq sý sharýashylyǵy jáne ırrıgatsııa ýnıversıteti ashylady

ASTANA. KAZINFORM – Atalǵan nysan Sý sharýashylyǵy jáne tabıǵatty paıdalaný ınstıtýtynyń bazasynda qurylady. 

Jańa ýnıversıtet Qazaqstanda tapshy sý salasynyń mamandaryn oqytýǵa múmkindik beredi. Qazir elimizde gıdrotehnıkter M.H.Dýlatı atyndaǵy Taraz óńirlik ýnıversıtetinde ǵana daıarlanady. Qazaq ulttyq sý sharýashylyǵy jáne ırrıgatsııa ýnıversıteti atalǵan oqý ornyn ekige bólý arqyly ashylady. 

«M.H. Dýlatı atyndaǵy Taraz ýnıversıteti» KEAQ jáne «Qazaq ulttyq sý sharýashylyǵy jáne ırrıgatsııa ýnıversıteti» KEAQ bólý jolymen qaıta uıymdastyrylsyn», - delingen Úkimet qaýlysynyń jobasynda.

Aıta ketsek, aldaǵy jyldary elimizde sý salasynyń mamandaryn daıyndaıtyn 5 kolledj ashylady. Olar batys, shyǵys, soltústik, ortalyq aımaqtarda salynady.

Sondaı-aq jańa oqý jylynan bastap Qazaqstan men Ózbekstan sý resýrstary mamandaryn birlesip daıarlaıdy. Taraz memlekettik ýnıversıteti men Tashkent ırrıgatsııa ınstıtýty tıisti memorandýmǵa qol qoıdy. Endi qazaqstandyq stýdentter «Sýmen jabdyqtaýdyń ınjenerlik júıeleri», «Sý sharýyshylyǵyndaǵy ınnovatsııalyq tehnologııalar jáne ony paıdalaný» syndy elde tapshy mamandyqtardy ıgeredi. Ári birden eki ýnıversıtetttiń dıplomyn alady. Bul bastamalar bilikti kadrlardy daıarlaýǵa jol ashyp, tabıǵı apattardyń aldyn alý, sýdy tıimdi paıdalaný máselelerin sheshedi.

                                                                                                                                                                                                                                Janel Nurbolatqyzy