Elimizde qaı óńirlerde jumyssyzdyq deńgeıi joǵary

ASTANA. KAZINFORM – Elimizde jumysy joq retinde resmı tirkelgen adam ǵana «jumyssyz» sanalady.

- 2024 jyldyń 4 toqsanynyń qorytyndysy boıynsha resmı 448 myń jumyssyz adam esepte tur. Óńirlerge kelsek, eń kóp jumyssyzdyq Túrkistan oblysy, Astana qalasy, Almaty qalasy taǵy basqa óńirler bar, - dep qysqa qaıyrdy Eńbek jáne halyqty eńbekpen qamtý mınıstrliginiń Halyqty jumyspen qamtý departamentiniń dırektory Azız Ibragımov ortalyq kommýnıkatsııalar qyzmeti alańynda ótken baspasóz máslıhatynda. 

Onyń aıtýynsha, elimizde jumyssyz retinde tirkelgen azamattardan bólek, tirkelmeı jumyssyz júrgen azamattar da bar. 

Buǵan deıin Eńbek vıtse-mınıstrine BAQ ókilderi nelikten Fınlıandııa nemese Frantsııada jumyssyzdyq deńgeıi 8 paıyzdan joǵary, al bizde 4,6 paıyz Qazaqstanda rasymen jumyssyzdyq deńgeıi tómen be degen saýal qoıǵan bolatyn. 

Byltyr elimizde 714 myń adam turaqty jumyspen qamtylǵan. 

Aıta ketsek, 2031 jylǵa qaraı elimizde 1,6 mln kadr qajet.