Elimizde qaýipsizdik salasynda jańa laýazym paıda bolady
ASTANA. KAZINFORM – Birinshi shaqyrylymdaǵy Quryltaıdyń birinshi sessııasyn ashqan Qasym-Jomart Toqaev Qaýipsizdik Keńesinde jańa laýazym paıda bolatynyn málimdedi.
– Jańa laýazymdy — Qaýipsizdik Keńesi tóraǵasynyń orynbasaryn taǵaıyndaımyn, — dedi ol.
Prezıdenttiń sózinshe, Ata zańǵa sáıkes Úkimet jańadan saılanǵan Quryltaı aldynda óz ókilettigin toqtatady. Sondyqtan Quryltaıdyń qurylymy jasaqtalǵan soń, ol Vıtse-prezıdenttiń jáne Premer-mınıstrdiń kandıdatýralary boıynsha usynysyn engizedi. Keıin Úkimet músheleri, odan soń, Qaýipsizdik Keńesi tóraǵasynyń orynbasary taǵaıyndalady.
Sonymen qatar Prezıdent Quryltaı men Úkimet quramy tolyq aıqyndalǵan soń jyl saıynǵy Qazaqstan halqyna Joldaýyn jarııalaıtynyn aıtty.
