Elimizde qaterli isiktiń árbir úshinshi jaǵdaıy erte kezeńde anyqtalady
ASTANA. KAZINFORM — Qazaqstanda onkologııalyq aýrýlardy anyqtaý úshin jasandy ıntellekt tehnologııalary keńinen qoldanyla bastady. Qazir elimizde ókpe jáne sút bezi qaterli isigin anyqtaýǵa arnalǵan JI tehnologııalary engizilgen. Sonymen qatar onkologııalyq dıagnozy bar naýqastardyń bes jyldyq ómir súrý kórsetkishi 65%-ǵa jetti.
Bul týraly densaýlyq saqtaý vıtse-mınıstri Manas Ramazanov Astana turǵyndarymen kezdesýde málimdedi.
Onyń aıtýynsha, keıingi ýaqytta onkologııalyq naýqastardyń bes jyldyq ómir súrý kórsetkishi 16%-ǵa artqan.
— Sonymen qatar onkologııalyq kómek kórsetý ınfraqurylymy keńeıip keledi. 2025 jyly Astanada protondyq terapııa ortalyǵy ashyldy. Al Qazaqstan óńirlerinde 16 PET-KT ortalyǵy jumys isteıdi. Mamandandyrylǵan emniń qoljetimdiligi de artyp keledi. Sáýlelik terapııamen qamtý kórsetkishi 57%-dan 65%-ǵa deıin, al onkologııalyq aýrýlardy erte anyqtaý kórsetkishi 33%-dan 34,6%-ǵa deıin ósti, — dedi Ramazanov.
Eske salaıyq, buǵan deıin alǵashqy qaterli isikke qarsy otandyq dári 2027 jyldyń ortasynda Qazaqstan naryǵyna shyǵatynyn jazǵanbyz.