Elimizde kásiporyndardyń sanıtarııalyq salamattylyǵy reıtıngi engiziledi
ASTANA. KAZINFORM – Densaýlyq saqtaý mınıstrligi kásiporyndardyń sanıtarııalyq salamattylyǵy reıtıngin engizetinin habarlady.
Jańa aqparattyq júıe eldegi sanıtarııalyq-epıdemıologııalyq ahýaldy is júzinde naqty ýaqyt rejıminde baqylaýǵa múmkindik beredi.
Búginde mamandar tsıfrlyq formatta:
* halyqty vaktsınatsııalaýmen qamtý týraly;
* vaktsınalardyń qozǵalysy týraly;
* zerthanalyq zertteýler týraly;
* qaýipsiz emes ónimderdi anyqtaý týraly;
* nysandardyń sanıtarııalyq jaǵdaıy týraly derekterdi jedel ala alady.
Vaktsınatsııalaý modýlinde búginde 4 616 180 vaktsına alǵan azamat týraly málimet jınaqtalǵan. Bul profılaktıkalyq ekpelermen qamtý deńgeıiniń tómendeýin der kezinde anyqtap, óńirlerdiń jumysyn tıimdi úılestirýge múmkindik beredi.
Vaktsınalardyń barlyq kezeńdegi qozǵalysyn tolyq tsıfrlyq qadaǵalaý olardyń joǵalý, maqsatsyz paıdalanylý qaýpin azaıtyp, bıýdjet qarajatynyń jumsalýyn baqylaýdyń tıimdiligin arttyrady. Aldaǵy ýaqytta mınıstrlik sanıtarııalyq salamattylyq deńgeıi boıynsha nysandardyń reıtıngin engizýdi josparlap otyr.
Bul turǵyndarǵa qoǵamdyq tamaqtaný oryndaryn, balalar uıymdaryn jáne basqa da nysandardy tańdaý kezinde obektıvti aqparatqa súıenýge múmkindik beredi.
Buǵan deıin Qazaqstanda psıhıkalyq densaýlyq saqtaý júıesin aýqymdy reformalaý bastalatynyn jazǵan edik.
