Elimizde kásibı sport pen fýtbol klýbtaryn qarjylandyrý qysqartyldy
ASTANA. KAZINFORM – Elimizde fýtbol klýbtaryn qarjylandyrý 2,2 mlrd teńgege qysqartyldy. Bul týraly QR Sybaılas jemqorlyqqa qarsy is-qımyl agenttiginiń resmı ókili Danııar Bıgaıdarov aıtty.
— Agenttik joǵary jetistikter sportyn qarjylandyrý salasynda jemqorlyq táýekelderine monıtorıng júrgizdi. Búgingi tańda jergilikti atqarýshy organdarmen birge kelesi jumystar isteldi:
̶ Buqaralyq jáne kásibı sportty qarjylandyrýdaǵy dısproportsııa joıyldy. Mysaly, eger 2023 jyly buqaralyq sportqa 35 mlrd teńge, al kásibı sportqa 340 mlrd teńge bólinse, bıyl sáıkesinshe 195,4 mlrd jáne 185,5 mlrd bólindi.
̶ Jalǵan sporttyq is-sharalarǵa jáne jalaqylarǵa negizsiz ústemaqyǵa jumsalǵan 1,3 mlrd teńge bıýdjetke óteldi (Astana q. – 398 mln, Qostanaı obl. – 350 mln, Almaty q. – 182 mln, Túrkistan obl. – 53 mln).
̶ Fýtbol klýbtaryn qarjylandyrý 2,2 mlrd teńgege qysqartyldy. Mysaly, Túrkistan oblysy 1 mlrd, Aqmola oblysy 390 mln, Qostanaı oblysy 350 mln, Pavlodar oblysy 300 mln, Jetisý obl 146,2 mln teńgege
̶ Kásibı sportty qarjylandrý 4,6 mlrd teńgege tómendetildi (12,1-den 7,5 mlrd-qa). Máselen, Shymkent qalasynda 4,2 mlrd, Aqmola oblysynda 242 mln, Túrkistan oblysynda 86 mln, Pavlodar oblysynda 58,5 mln, Abaı oblysynda 38 mln, Shyǵys Qazaqstan oblysynda 2 mln teńgege, - dedi ol.
Sondaı-aq, tıimsiz basqarýdan 8 sport nysany qaıtarylǵan. Mysaly, Almaty qalasynda – 2 («Halyq Arena», «Almaty Arena»); Atyraý oblysynda – 2 («Muz saraıy», «Ortalyq basseın»); Batys Qazaqstan oblysynda – 3 («Aqjaıyq» FK ǵımaraty men stadıony, qysqy sport túrleri boıynsha BJSM); Qostanaı oblysynda – 1 (Muz saraıy) nysan qaıtarylǵan.
Aıta keteıik, Astanada para alyp, balabaqsha ornyn saýdaǵa salǵan sheneýnik ustaldy.
Sportty damytý dırektsııasynyń basshysy 584 mln teńge qarjy jymqyrǵany anyqtaldy.
Antıkor eki jylda 1 trln 100 mlrd teńgeniń zańsyz aktıvteri qaıtardy.
Zańsyz aktıvter kóbine qaı elderden qaıtarylyp jatqany aıtyldy.
Jambylda ustalǵan kúdikti polıtseı Antıkor qyzmetshisine qarý kezengen.
«Kaspıı» FK basshysy dinı aǵym ókilderimen birlese aqsha bopsalaǵany belgili boldy.