Elimizde karbondy polıgondar qurylady

ASTANA. KAZINFORM – Premer-mınıstr Oljas Bektenov Úkimet otyrysynda «Taza Qazaqstan» ulttyq zańnamaǵa karbondy polıgon qurýǵa múmkindik beretin ózgertýler engizýdi tapsyrdy.

— Jergilikti atqarýshy organdar óz óńirlerinde orman pıtomnıkterin quryp, aǵash kóshetteriniń jersinip ketýin qamtamasyz etsin. Ekologııa mınıstrligi karbondy polıgondar jobalaryn iske asyrý úshin tıisti zańnamalyq túzetýler ázirlesin.  Ekologııa jáne Tsıfrlyq damý mınıstrlikteri stıhııalyq qoqys oryndaryn anyqtaý úshin elimizdiń aýmaqtaryn ǵaryshtyq monıtorıngpen qamtýdy jáne merzimdi tekserýdi ulǵaıtsyn, — dedi Oljas Bektenov.

Karbon polıgony degen — biregeı ekojúıege arnalǵan aýmaqtar. Bul aýmaqtar topyraq pen ósimdikterdiń, aýmaqta tirshilik etetin jan-janýardyń qorshaǵan kómirsýtek gazynyń áserine, agrohımııalyq ózgeristerge beıimdelýin zerttep, eń tıimdi tásilderin ázirleý úshin qurylady.

Sondaı-aq, Úkimet basshysy Ekologııa mınıstrligine jergilikti ákimdiktermen birge qorshaǵan ortaǵa tastalatyn shyǵaryndylardy qadaǵalaıtyn avtomatty qondyrǵylardy jyldamdatyp ornatýdy tapsyrdy. 

— Mádenıet, Oqý-aǵartý, Ǵylym jáne joǵary bilim mınıstrlikteri qorshaǵan ortany saqtaý jáne halyqtyń ekologııalyq mádenıetin arttyrý salasyndaǵy tárbıelik jáne túsindirý jumystaryn kúsheıtsin, — dedi Premer-mınıstr.

Sonymen qatar, Ekologııa jáne tabıǵı resýrstar mınıstri Erlan Nysanbaev kólikti 5 mınýttan astam qyzdyrýdyń ekologııaǵa zııany týraly pikir bildirdi.