Elimizde qar túsip, nóser jaýyn jaýdy
ASTANA. KAZINFORM – Jaz taıaǵanda aýa raıy qazaqstandyqtarǵa kúrt kontınenttik klımatta ómir súrip jatqanyn taǵy bir eske saldy. Elimizdiń birneshe óńirinde jańbyr aralas qar jaýdy. Nazarlaryńyzǵa Kazinform agenttiginiń tabıǵı qubylystarǵa sholýyn usynamyz.
Búgin Aqmola oblysynda qar jaýdy. Atap aıtqanda, Aqkól jáne Ereımentaý qalasynda, sondaı-aq elorda mańyndaǵy basqa da eldi mekenderde qalyń qar jaýdy.
Aqmola oblysynyń turǵyndary aýa raıynyń kúrt ózgerisi týraly kórinisterdi áleýmettik jelige jarııalady.
Astana jáne Shymkent qalasynyń kóshelerin qatty jaýyn-shashynnan kóshelerdi sý basty. Shymkentke jaýǵan nóserdiń joıqyn zardaptary týraly Tótenshe jaǵdaılar mınıstrligi habarlady.
«Daýyldyń saldarynan Shymkentte Temirlan tas joly men Ahýnbabaev kóshesiniń qıylysynda kópirdi sý basty. Jańbyr sýynyń tereńdigi 50 sm», - delingen TJM habarlamasynda.
Astanada nóser jańbyr saldarynan birqatar kóshe sý astynda qaldy. Óz kezeginde elorda ákimdigi sý basý sebepterin túsindirdi. Ásirese elordada nóser jańbyrdan «MEGA Silk Way» SOO aýdany jáne Turan dańǵylyndaǵy joldarǵa kóp zaqym keldi.
Eske sala keteıik, «Qazgıdromet» demalys kúnderi jaýyn-shashyn, qar, naızaǵaı, burshaq jáne jeldiń kúsheıtindigin boljaǵan bolatyn.
«Kele jatqan sýyq aýa massalary túnde jáne tańerteń 3 gradýsqa deıin aıaz bolatyndyǵyn eskertti. Demek 25 mamyrda batysta, soltústik-batysta, soltústikte, 26 mamyrda ortalyqta, 27 mamyrda shyǵysta, ońtústik-shyǵysta, 26-27 mamyrda Ońtústik Qazaqstannyń taýly aımaqtarynda aýa temperatýrasy tómendeıdi», - delingen habarlamada.