Elimizde qansha patronajdyq meıirger qyzmet atqarady
ASTANA. KAZINFORM — Sońǵy jyldary Qazaqstanda balalarǵa medıtsınalyq kómek kórsetý júıesi edáýir nyǵaıyp, otbasyǵa keshendi qoldaý kórsetýge baǵyttalǵan sıpatqa ıe boldy, dep habarlaıdy DSM baspasóz qyzmeti.
Emhanalarda quramyna pedıatrlar, jalpy praktıka dárigerleri, patronajdyq meıirgerler, psıhologtar men áleýmettik qyzmetkerler kiretin mýltıdıstsıplınarlyq komandalar qalyptastyryldy. Mundaı tásil balany ómiriniń alǵashqy kúnderinen bastap baqylaýǵa alyp, tek medıtsınalyq emes, sonymen qatar áleýmettik-psıhologııalyq kómekti de ýaqtyly kórsetýge múmkindik beredi.
— Búginde elimiz boıynsha zamanaýı patronaj úlgisimen jumys isteıtin shamamen 4 myń patronajdyq meıirger qyzmet atqarady. Bul bala densaýlyǵy men damýyna qatysty qaýipterdi erte anyqtaýǵa jáne profılaktıkalyq jumystyń sapasyn arttyrýǵa yqpal etedi, — delingen mınıstrlik habarlamasynda.
Sonymen qatar, balalar densaýlyǵyn saqtaýda negizgi ról otbasyǵa tıesili.
• Sábıdiń qajettilikterine muqııat qarap, qamqorlyqqa negizdelgen orta qalyptastyrý;
• ana sútimen qorektendirýdi qoldaý jáne yntalandyrý;
• profılaktıkalyq qarap-tekserýlerden turaqty túrde ótý;
• ulttyq vaktsınatsııalaý kúntizbesin qatań saqtaý sııaqty qarapaıym, biraq tıimdi qaǵıdalardy saqtaý aýrýlardyń qaýpin aıtarlyqtaı tómendetip, balanyń úılesimdi damýyn qamtamasyz etýge múmkindik beredi.
Budan buryn Qazaqstanda medıtsınalyq-sanıtarııalyq alǵashqy kómek uıymdarynda meıirgerlik qabyldaý engizilgenin jazǵanbyz.
