Elimizde qansha adam 1,5 mln teńgeden astam jalaqy alady

Ulttyq statıstıka bıýrosy 2023 jylǵy sáýirde qyzmetkerlerdiń sanyn eseptelgen jalaqy mólsherine bólý boıynsha jyl saıynǵy júrgizilgen zertteý qorytyndysyn jarııalady. Bul týraly Kazinform Ulttyq statıstıka bıýrosyna silteme jasap habarlaıdy. 

Onyń qorytyndysyna saı kásiporyndar men uıymdardyń kórsetilgen toby boıynsha 2023 jylǵy sáýirde tolyq jumys istegen qyzmetkerler sany 3 437,3 myń adamdy qurady.

Zertteýge orta jáne shaǵyn kásiporyndardyń ishinara 30%-y iriktelip qatysty. Onda barlyq qosymsha aqy, ústemeaqy, syıaqy, salyq pen zeınetaqy aýdarymyn eskere otyryp, 2023 jylǵy sáýir aıy úshin naqty eseptelgen jalaqy týraly derekter paıdalanyldy.

Qyzmetkerlerdiń ortasha aılyq jalaqysy – 70 000 teńgeni qyzmetkerlerdiń 1,5%-y alady. 70 000-nan 150 000 teńgege deıin – 22,8%, 150 000-nan 300 000 teńgege deıin – 36,2%, 300 000-nan 600 000 teńgege deıin – 30,8%, 600 000-nan 900 000 teńgege deıin – 5,5%, 900 000-nan 1 200 000 teńgege deıin – 1,7%, 1 200 000 teńgeden 1 500 000 teńgege deıin – 0,6%, 1 500 000 teńgeden joǵary jalaqyny qyzmekterlerdiń 0,9%-y alady. 

Sondaı-aq 2023 jylǵy qyzmetkerler jalaqysynyń modaldi máni 81 377 teńgeni qurady.