Elimizde ıpoteka alatyndardyń besten biri — 30-ǵa deıingi jastar

ASTANA. KAZINFORM — Qazaqstanda ıpoteka kólemi jyldan jylǵa 17,3%-ǵa (1,8 trln teńgege) tómendep keledi. Al ıpoteka berý kórsetkishi 116,6 myńǵa (19,2%) deıin azaıyp otyr. Bul týraly Birinshi kredıt bıýrosynan málim etti.

Bir jyl ishinde ıpoteka alǵandardyń shamamen besten bir bóligi — jastar. Qaryz alýshylardyń ishinde 30 jasqa deıingi jastardyń úlesi bir jylda 20%-ǵa jetti.

Ipotekanyń negizgi kórsetkish somasy — 13 mln teńge, ortasha somasy — 15 mln teńgege jýyqtasa, eń joǵary somasy — 2,1 mlrd teńge. 

«Bank sektory boıynsha ortasha syıaqy mólsherlemesi bazalyq mólsherlemeden tómen. Naryq onyń tómendeýine is júzinde jaýap bermedi. Mysaly, jyldyq tıimdi syıaqy mólsherlemesi byltyr qańtarda 16,75% boldy, kórsetkish bazalyq jáne jyl sońyndaǵy (jeltoqsan15,75%) mólsherlememen shamalas» delingen aqparatta.

Bıyl 1 qańtardaǵy jaǵdaı boıynsha ıpotekalyq kredıtter portfeli 5,8 trln teńgeni qurady. Bul ótken jylmen salystyrǵanda 11,3% joǵary.

Kredıt somasynyń 61% — jańa nesıeler (2022-2023 jj alynǵan), NPL 90 + úlesi salystyrmaly túrde tómen, 3,4% nemese 201 mlrd teńge.

Buǵan deıin 2 978 teńge qaryzy bar qazaqstandyqtyń bankrot dep jarııalanǵanyn habarlaǵan edik. 

Aıta ketsek, ótken jyly 8,3 myń qazaqstandyq «bankrot» statýsyn aldy.