Elimizde ınflıatsııanyń ósimi 12,2% qurady

ASTANA. KAZINFORM — 2025 jylǵy tamyzda tutyný baǵalary ındeksiniń aılyq deńgeıi 1% boldy. Bul týraly Ulttyq statıstıka bıýrosy málim etti.

Azyq-túlik taýarlarynan baǵanyń pııazǵa 25,9%, kartopqa – 21,9%, sábizge – 16,5%, qyzylshaǵa – 13,8%, qyzanaqqa – 13,7%, júzimge – 11,9%, qyryqqabatqa – 7,6%, bananǵa 4,1% tómendegen. Kerisinshe baǵa shokoladqa – 3,8%, kofege, lımonǵa – 2,6%-dan, qaraqumyq jarmasyna – 1,9%, kilegeıge 1,4% ósken.

Azyq-túlik emes taýarlardan aǵymdaǵy jyldyń tamyz aıynda as úı plıtasy – 6,3%, tońazytqysh 2,6% arzandaǵan. Zergerlik buıymdar men saǵat – 1,6%, jeke tutyný taýarlary 0,8% qymbattaǵan.

Áýe jolaýshylar kóligi qyzmetterine baǵa 11,3% tómendedi, al stomatologııalyq qyzmetter 1% joǵarylady.

2025 jylǵy tamyzda jyldyq mánde ınflıatsııa 12,2% qurady.

Jyldyq kórsetkishte kúrish – 8,5%, keptirilgen órik – 3,4%, qaraqumyq jarmasy 2,5% arzandady. Keptirilgen jemister men jańǵaqtar 2,3% qymbattady.

Azyq-túlik emes taýarlarynan baǵa tońazytqyshqa – 24,5%, elektrli sháınekke 25,7% tómendedi. Baǵa deńgeıi as úı kerek-jaraqtaryna – 5,9%, útikteý taqtaıyna – 5,8%, elektrli et tartqyshqa 3,1% joǵarylady.

Baǵa 2024 jylǵy tamyzben salystyrǵanda aıaq kıim jóńdeý qyzmetterine – 9,4%, turǵyn úı-jaılardy jóndeý jáne qyzmet kórsetýde 7,1% joǵarylady. Jattyǵý zaldarynyń qyzmetteri – 9,3%, basseın qyzmetteri 10% qymbattady.

Inflıatsııa deńgeıin sıpattaıtyn tutyný baǵalary ındeksiniń kórsetkishi aı saıyn esepteledi. Baqylaýlar qyzmetter men taýarlardyń tarıfteri men baǵalary – barlyǵy 508 pozıtsııa boıynsha júrgiziledi. Inflıatsııa boıynsha dınamıkalyq ózgeristerdi 2018 jyldan bastap kórsetkishter qamtylǵan arnaıy ázirlengen ınteraktıvti dashbordta kórýge bolady.

2025 jylǵy qańtardan bastap tutyný baǵalarynyń ındeksin eseptegende azyq–túlik taýarlarynyń úlesi – 40,0%, azyq-túlik emes taýarlar – 30,3%, aqyly qyzmetter 29,7% qurady.

Eske sala keteıik, buǵan deıin Tımýr Súleımenov bıylǵy ınflıatsııa boljamyn jarııa etken bolatyn.