Elimizde ıkemdi rejımde jumys isteý tártibi qalaı retteledi
ASTANA. KAZINFORM — Ikemdi jumys tártibine baılanysty máseleler Eńbek kodeksiniń 74-babymen retteledi. Ikemdi jumys kestesi, onyń ishinde qashyqtan eńbek etetin jumysshylarǵa óndiristik mindeti men jeke jáne turmystyq qajettiligin tıimdi úılestirýge múmkindik beredi.
— Jumysshylarǵa sonyń ishinde qashyqtan jumys isteıtin adamdarǵa ıkemdi keste belgilenýi múmkin. Onyń maqsaty — jumysshynyń jeke, áleýmettik-turmystyq basqa da qajettilikteri men jumys berýshiniń óndiristiń múddesi arasyndaǵy tepe-teńdikti qamtamasyz etý. Ikemdi jumys ýaqyty rejımi kelesi elementterdi qamtıdy, jumysshy belgilengen ýaqytta jumys ornynda mindetti túrde bolýy, ıkemdi ýaqyt jumysshy mindetin qashan oryndaýy kerektigin derbes anyqtaıdy, — dedi Eńbek jáne halyqty áleýmettik qorǵaý mınıstrligi memlekettik eńbek ınspektsııasy komıtetiniń bas sarapshysy Danııar Baltabaı.
Mamannyń málimdeýinshe, jumys ýaqytynyń belgilengen normasynyń oryndalýyn baqylaý júrgizetin eseptik kezeńniń uzaqtyǵy 6 aıdan aspaýy tıis.
— Ikemdi kestede kúndelikti nemese aptalyq jumys kóleminiń uzaqtyǵy belgilengen normadan ózgeshe bolýy múmkin, ıaǵnı jumys ýaqyty uzaq nemese qysqa. Ikemdi jumys kestesin belgileý tártibi, sondaı-aq eseptik kezeńniń uzaqtyǵy jumys berýshiniń ishki aktisimen, eńbek ne bolmasa ujymdyq shartpen aıqyndalady, — deıdi sarapshy.
Buǵan deıin otandyq eńbek naryǵynda jumyspen qamtylǵandardyń eń kóp úlesi qaı salaǵa tıesili ekenin habarlaǵan edik.