Elimizde ǵylymı dárejesi bar azamattardyń qanshasy áıel

ASTANA. KAZINFORM – QR Ǵylym jáne joǵary bilim mınıstrligi áıelderdi búgingi halyqaralyq merekemen quttyqtap, osy saladaǵy áıelderdiń úlesi týraly málimetterdi jarııalady.

Mınıstrlik derekterine qaraǵanda, búginde áıelder Qazaqstannyń ǵylymı áleýetin qalyptastyrýda sheshýshi ról atqaryp otyr. Elde magıstr, PhD doktory, beıini boıynsha doktor, ǵylym kandıdaty nemese ǵylym doktory ǵylymı dárejesine ıe 120 896 azamat bar. Sonyń 62 433-i, ıaǵnı 51,6 paıyzy – áıelder.

- Bul – ǵylym men bilim salasynda áıelderdiń orny aıqyn ári berik ekenin kórsetedi,-delingen habarlamada.

Sondaı-aq onda joǵary bilim berý júıesinde de áıelder jetekshi oryndarǵa nyq ornalasqany aıtylǵan.

Professor-oqytýshylar quramyndaǵy áıelderdiń úlesi 65,7 paıyzdy quraıdy. ıAǵnı, áıelder myńdaǵan stýdenttiń kásibı qalyptasýyna, azamattyq kózqarasynyń ornyǵýyna tikeleı yqpal etip otyr.

Sonymen qatar elimizde ǵylymı zertteýlermen aınalysatyn 12 893 áıel bar. Bul ǵylymı qyzmetkerlerdiń jalpy sanynyń 56 paıyzyna teń. Áıel zertteýshilerdiń jalpy zertteýshiler sanyndaǵy úlesi 55,7 paıyzdy quraıdy. Olar irgeli zertteýlerden bastap qoldanbaly jáne pánaralyq jobalarǵa deıingi túrli ǵylymı baǵyttarda tabysty eńbek etip keledi.

Jaratylystaný ǵylymdarynda 3 625 áıel eńbek etse, ınjenerlik ázirlemeler men tehnologııalar salasynda – 2 625, gýmanıtarlyq ǵylymdarda – 2 471 zertteýshi qyzmet atqarady. Ásirese gýmanıtarlyq jáne áleýmettik ǵylymdarda áıelderdiń úlesi 65 paıyzǵa jetedi. Bul kórsetkishter ǵylym keńistigindegi áıelderdiń belsendi ári aýqymdy úlesin aıqyn dáleldeıdi.

Aıta keteıik, búgin Prezıdent qazaqstandyq názik jandardy Halyqaralyq áıelder kúni merekesimen quttyqtady.