Elimizde gıd mamandaryn daıarlaýy múmkin

ASTANA. KAZINFORM – Búginde kásibı gıdterge arnaıy beıdj beriledi, ol mamannyń biliktiliginiń kórsetkishi. Bul baǵyttaǵy jumys týraly tolyǵyraq Týrızm jáne sport mınıstri Erbol Myrzabosynov aıtyp berdi.

- Biz qolǵa alǵan kelesi bastama tsıfrlandyrý arqyly gıdterdiń qyzmetin retteý. Qoldanystaǵy reestr týrısterge qajetti gıd tabýǵa, oǵan habarlasyp, kásibı biliktiligin tekserý múmkindigin bermeıdi. Sondyqtan mınıstrlik tapsyrysy boıynsha gıdterge arnalǵan biryńǵaı tsıfrlyq platforma jasalǵan. E-Gaıds tsıfrlyq júıesi atalǵan máselelerdi sheship qana qoımaı, mamandardyń bilimin tekserýge, biliktiligin arttyrýǵa jáne qosymsha bilim berýge múmkindik beredi, - dedi Erbol Myrzabosynov Úkimet otyrysynda.

Onyń aıtýynsha, tekseristen ótken gıdterge biryńǵaı standarttaǵy beıdj beriledi, ol beıdj bilikti mamannyń belgisi.

- Qazir júıede 380 gıd tirkelgen. Onyń 94-ne beıdj tabystaldy. Osy tájirıbeni keń taratý úshin jergilikti atqarýshy organdary, Ǵylym jáne joǵarǵy bilim, Oqý-aǵartý mınıstrlikteri tarapynan gıd mamandaryn daıarlaıtyn baǵdarlama ázirleýge atsalysýdy suraımyz, - deıdi ol.

Buǵan deıin Týrızm jáne sport mınıstri elimizge kelip aldanyp qalatyn sheteldik týrıster máselesin sheshý joldaryn atady. 

Aıta keteıik, elimizde týrısterge arnalǵan, jasandy ıntellektige negizdelgen TravelStan mobıldi qosymsha ázirlenedi.