Elimizde geologııalyq barlaýǵa 112 ýchaske aýktsıonǵa shyǵarylady
ASTANA. KAZINFORM — Qazaqstan 2026 jyly geologııalyq barlaý jumystaryna arnalǵan 112 ýchaskeni elektrondyq aýktsıonǵa shyǵarýdy josparlap otyr. Bul týraly Úkimet úıinde ótken baspasóz máslıhatynda Energetıka mınıstri Erlan Aqkenjenov málimdedi.
Mınıstrdiń aıtýyna qaraǵanda, bir jyl ishinde osynsha ýchaskeni saýda-sattyqqa shyǵarý — aıtarlyqtaı úlken kórsetkish. Onyń nátıjesi aldaǵy ýaqytta baıqalýy múmkin.
— Bir jyldyń ishinde 112 ýchaskeni saýda-sattyqqa shyǵarý — aıtarlyqtaı úlken kórsetkish. Jaqyn arada olardyń nátıjesi boıynsha oń ózgeristerdi kóremiz. Geologııalyq zertteýler men burǵylaý jumystarynyń nátıjeleri baǵalaý júrgizý úshin energetıka mınıstrligine qoljetimdi bolady, — dedi Erlan Aqkenjenov.
Onyń málimetinshe, 2023-2025 jyldary 126 ýchaske aýktsıonǵa shyǵarylǵan. Saýda-sattyqqa qazaqstandyq jáne sheteldik kompanııalar, sonyń ishinde Qytaı men kórshi memleketterdiń ınvestorlary qatysady.
Investorlardyń geologııalyq zertteý men burǵylaý jumystaryn júrgizý, jergilikti qamtýdy damytý, taýarlar men qyzmetterdi satyp alý, sondaı-aq kadrlardy daıarlaý jáne oqytý jónindegi mindettemelerine basa nazar aýdarylady.
«QazMunaıGaz» UK» AQ basqarma tóraǵasy Ashat Hasenov ulttyq kompanııanyń geologııalyq barlaý baǵdarlamasy 4,7 mlrd tonna shartty otyn resýrstary baǵalanǵan 47 ýchaske men 23 jobany qamtıtynyn aıtty.
Sonymen qatar kompanııa 60 myń syzyqtyq kılometrge seısmıkalyq barlaý júrgizip jatyr. Zertteý jumystary 8 myń metrge deıingi tereńdiktegi geologııalyq qabattardy qamtıdy.
Baǵdarlama jańa ken oryndaryn ashýǵa jáne Qazaqstannyń resýrstyq bazasyn tolyqtyrýǵa baǵyttalǵan.
Eske salaıyq, buǵan deıin Qazaqstanda altyn, mys jáne sırek jer elementterin izdeý kúsheıtiletinin jazǵan edik.
