Elimizde fılmderdegi balaǵat sózder qalaı retteledi
ASTANA. KAZINFORM – QR Mádenıet jáne aqparat mınıstrligi fılmderde balaǵat sózder men beıádep leksıkany qoldanýǵa qatysty talaptardy túsindirdi.
Aqparat komıtetiniń tóraǵasy Álisher Muqajannyń aıtýynsha, fılmderdegi mundaı leksıkaǵa qoıylatyn talap jas sanatyna baılanysty.
– «Kınematografııa týraly» zańǵa sáıkes, «21 jastan bastap» jas sanatyndaǵy fılmderde dóreki jargon sózderdi, balaǵat sózderdi jáne beıádep leksıkany qoldanýǵa shekteý qoıylmaıdy, - dedi Álisher Muqajan.
«21+» sanatyndaǵy fılmderde túrli kórinisterdiń sıpattamasy men beınesi bolýy múmkin. Alaıda zańmen tyıym salynǵan aqparatty kórsetýge ruqsat etilmeıdi.
Komıtet tóraǵasy sóz jáne aqparat taratý erkindigine kepildik berilgenimen, ony júzege asyrý kezinde ózge adamdardyń quqyqtary men zańdy múddeleri jáne zańnamada belgilengen ózge de talaptar saqtalýǵa tıis ekenin atap ótti.
