Elimizde etti mol asatyn óńir — Jambyl, al nandy kóp jeıtinder Túrkistan oblysynda turady

ASTANA. KAZINFORM — Ulttyq statbıýro 2023 jyldyń ІV toqsanynda jan basyna shaqqandaǵy azyq-túlik tutyný kólemi jónindegi derekterdi jarııalady.  

Ár otbasynyń azyq-túlik satyp alýǵa jumsalatyn shyǵynynyń kólemi qatty ózgermegen7

Ondaǵy shyǵynnyń eń kóp úlesi et jáne et ónimderine (17.4%), nan men jarmaǵa (8%), sondaı-aq, sút ónimderine (5,4%) tıesili.

Aımaqtar arasynda jekelegen azyq-túlik ónimderiniń tutynylýyn salystyratyn bolsaq, nan men jarma ónimderin eń kóp tutynatyndar Túrkistan oblysynda turady — 44,1 kg (toqsanyna jan basyna shaqqanda).

Et jáne et ónimderi boıynsha Jambyl oblysyndaǵylar — 25,8 kg, balyq ónimderin ShQO, BQO jáne SQO turǵyndarynyń dastarhanynan jıi tabýǵa bolady — bir adamǵa shaqqanda toqsanyna 5,2 kg, kókónis boıynsha Túrkistan oblysyndaǵylar — 23,8 kg, jemister almatylyqtar arasynda — 22,1 kg, al táttiler Ulytaý oblysynda — 14,4 kg kóp tutynylǵan. 

Sońǵy bes jyldaǵy derekterdi alyp qarasaq, et pen balyq tutyný kórsetkishi jyl saıyn ІV toqsanda, al kókónis pen jemis tutyný ІІІ toqsanda kóbeıetinin baıqaýǵa bolady.