Elimizde esirtki bıznesimen kúreste jasandy ıntellekt júıesi iske qosylmaq
Esirtki taratýshylar arasynda Telegram messendjeri tanymal. Bul týraly Májiliste esirtki qylmysyna qarsy is-qımyl taqyrybyndaǵy Úkimet saǵatynda Іshki ister mınıstri Erjan Sadenov aıtty, dep habarlaıdy Kazinform.
«Qazir esirtki qylmystary tolyǵymen kıber-keńistikke qaraı ótti. Bul rette «krıpto-koshelek», «messendjer» jáne basqa da ınnovatsııalar paıdalanylyp keledi. Kúresý tásilderi de únemi jańaryp otyrady. «Kıberqadaǵalaý» júıesi arqyly anyqtalǵan esirtki saıttary buǵattalady. Tyıym salynǵan kontentti avtomatty túrde izdeý arnaıy baǵdarlamamen qamtamasyz etiledi. Esirtki taratýshylar arasynda «Telegram» messendjeri tanymal. Esirtki taratýshylar bir-birin tanymaıdy, barlyq baılanys túrleri «bottar» arqyly júrgiziledi. Bul turǵyda bizge kıber-volonterler jáne basqa da belsendi azamattar kómektesip jatyr», - dedi E. Sadenov.
Onyń aıtýynsha, Jastar saıasaty jónindegi keńes múshelerimen bolǵan otyrysta osy jumysqa jasandy ıntellektti qosý bastamasy usynyldy. Osyny pysyqtaý úshin Keńestiń usynysy boıynsha Іshki ister mınısmtrliginiń esirtkige qarsy shtabyna IT-mamandar qosylatyn bolady.
«Jyl basynan beri chattar, arnalar, saıttar sekildi 6 myńnan astam aqparattandyrý obektileri áreketteriniń joly kesildi. «Telegramda» 1,3 myń ınternet-dúken jabyldy. Habarlandyrý saıttaryndaǵy «jasyryn» esirtki jarnamasy taǵy bir ózekti máselege aınaldy. Biz osy kontentti barynsha joıýǵa tyrysyp kelemiz, ýákiletti organdar bul jumysty júıeli túrde júrgizýi tıis. Esirtki qylmystaryn qarjylandyrýmen kúresý salasynda birqatar nátıje bar. 2020 jyldan beri elektrondyq aqshanyń anonımdi ıeleri arasynda aýdarymdar jasaýǵa tyıym salynyp keledi. Internetti tolyq jaýyp, adamdardyń elektrondy aqsha aýdarymdaryn shekteý múmkin emes ekenin túsinemiz. Osy baǵytta naqty sharalar qabyldandy. 2020 jyly ınternet arqyly esirtki taratqany úshin jaza kúsheıtildi. Esirtkini jarnamalaǵany jáne nasıhattaǵany úshin qylmystyq jaýapkershilik engizildi», - dedi mınıstr.
