Elimizde energetıka salasynda 4 myńǵa jýyq maman tapshy
ASTANA. KAZINFORM — Bul sektorda qyzmetkerlerdiń jalaqysyn ósirý de máseleni sheshe almaı otyr. Bul jóninde QR Energetıka mınıstrligi resmı saýalymyzǵa joldaǵan jaýabynda málimdedi.
— Energetıkalyq uıymdarda 57 myńnan astam maman qyzmet atqarady. Alaıda kadr tapshylyǵy bilinip otyr. Jumysshylardyń naqty sany az, energetıka salasyndaǵy kásiporyndarda shamamen 3-4 myń maman jetispeıdi, — delingen habarlamada.
Mınıstrlik taratqan aqparatqa saı, bul olqylyqtyń ornyn toltyrý úshin birqatar shara qabyldanǵan. Máselen, úsh jylda elektr energııasyn óndirý sektory qyzmetkerleriniń jalaqysy 36,11%-ǵa ósken. 2022 jyly olardyń aılyq tabysy 360 myń teńge bolsa, al 2024 jyly 490 myń teńgege jetken.
Aıta keteıik, buǵan deıin qazaqstandyq ǵalymdar energııa jınaqtaýǵa arnalǵan jańa nanomaterıaldy zerttegenin jazǵanbyz.
Sondaı-aq, otandyq ǵalymdar mehanıkalyq terbelisterdi energııaǵa aınaldyratyn qurylǵy ázirledi.
