Elimizde eń úzdik jedel járdem brıgadalary anyqtaldy
ASTANA. KAZINFORM — Aqtaý qalasynda jedel járdem brıgadalarynyń respýblıkalyq chempıonaty aıaqtaldy, dep habarlaıdy QR Densaýlyq saqtaý mınıstrligi.
Saıysqa elimizdiń barlyq óńirinen, sondaı-aq Reseı, Belarýs jáne Ázerbaıjan memleketinen komandalar jınaldy.
Úsh kún boıy qatysýshylar eresekter men balalardyń júrek-ókpe reanımatsııasynan bastap jaraqat alǵan kezde dárigerge deıingi kómekke, jańa týǵan nárestelerdi qadaǵalap-qaraýǵa jáne akýsherlik asqynýlar kezinde alǵashqy kómek kórsetýge deıingi naqty jaǵdaılarǵa barynsha jaqyn jaǵdaılarda shuǵyl kómek kórsetý daǵdylaryn kórsetti.
Jarystyń qorytyndysy boıynsha oryndar kelesideı bólindi:
- 1 oryn — Jambyl oblysy
- 2 oryn — Abaı oblysy
- 3 oryn — Astana qalasy
Sheteldik komandalardyń arasynda jeńimpaz atanǵandar:
- 1 oryn — Belarýs
- 2 oryn-Reseı
- 3 oryn-Ázirbaıjan
Arnaıy nomınatsııalar alǵandar:
- «Úzdik komandalyq jumys» — Pavlodar oblysy
- «Jeńiske degen jigeri úshin» — Ulytaý oblysy
Jekelegen sanattarda úzdik dep tanylǵandar:
- PALS: Shymkent (1 oryn), Túrkistan oblysy (2 oryn), Qostanaı oblysy (3 oryn)
- NRP: Aqtóbe oblysy (1 oryn), Batys Qazaqstan oblysy (2 oryn), Almaty oblysy (3 oryn)
- PHTLS: Atyraý oblysy (1 oryn), Aqmola oblysy (2 oryn), ShQO (3 oryn)
- ACLS: Qyzylorda qalasy (1 oryn), Jetisý oblysy (2 oryn), Qaraǵandy oblysy (3 oryn)
- Trıaj: Soltústik Qazaqstan oblysy (1 oryn), Mańǵystaý oblysy (2 oryn), Almaty qalasy (3 oryn)
Uıymdastyrýshylar shuǵyl medıtsınanyń ulttyq úılestirý ortalyǵy jáne QR Jedel medıtsınalyq járdem qaýymdastyǵy — chempıonat tek kásibı jarys qana emes, sonymen qatar tájirıbe almasý úshin mańyzdy alańǵa aınalǵanyn atap ótti.
Іs-shara kadrlyq áleýetti nyǵaıtýǵa jáne el azamattary úshin shuǵyl kómek sapasyn arttyrýǵa yqpal etedi.
Aıta keteıik, Túrkistan oblysynda medıtsınalyq uıymdarǵa 60 jedel járdem kóligi berildi.