Elimizde eń jıi kezdesetin ıt pen mysyq ataýlary — Aqtós pen Mýrka

Jańa jyldyń alǵashqy demalysynda úı janýarlary jaıly statıstıka jarııalandy. Birinshi kredıt bıýrosy elimizdegi ıt-mysyqqa sholý jasady.   

Tañba portalynda tirkelgen úı janýarlarynyń jalpy tizilimi shetinen tolyqtyrylyp jatyr. Qazir onda 212 myń ıt-mysyq jaıly aqparat bar.

Mysaly bazada mysyqqa qaraǵanda ıtter áldeqaıda kóp. 

— Mysyqqa arnalǵan eń tanymal laqap atty bárińiz bilesiz. Portalda 1,2 myńǵa jýyq Mýrka bar. Sodan keıin Mýsıa men Barsık tur. 
— Búkil 69,5 myńnan astam mysyqtyń kórsetilgen tuqymy júzge de jetpeıdi. Jartysyna jýyǵynyń ǵana shyqqan tegi jazylǵan. 20,4 myń mysyqtyń túri kórsetilmegen, al 7 myńǵa jýyǵy — metıs.

— Belgili bir tuqymǵa jatatyn mysyqtyń sany 8,5 myńǵa da jetpeıdi. Eń tanymal tuqymdar: brıtandyq qysqajúndi mysyq — shamamen 2 myń, shotlandyq salpańqulaq (1,7 myń) jáne shotlandyq tikqulaq (0,8 myń). Sonymen qatar tizimde qulaǵy jaıly eshteńe aıtylmaıtyn taǵy 200-ge jýyq shotland mysyǵy bar.

_______________________________________

— It attarynyń ishinde senimdi kóshbasshy — Aqtós. 3,8 myń ıttiń aty osylaı jazylǵan. Ekinshi, úshinshi oryndarda — Reks pen Týzık.

— It tuqymdary — bazada shamamen úsh júzge jýyq. Taǵy 53 myń janýarda tuqymy týraly baǵan múldem toltyrylmaǵan, 59 myńǵa jýyǵy — tuqymsyz nemese metıs. 

— It tuqymy ishinde alabaı erekshelenip tur, olarǵa tóbet tuqymy da, tóbet retinde kórsetilgen ıtter de kirýi múmkin. Osylaı jazylǵan búkil ıttiń sany — shamamen 3,8 myń, sodan keıin nemis ovcharkasy (3,4 myń) jáne ózimizdiń taǵy bir tól tuqym — tazy (2,1 myń) jaıǵasqan.

Laqap at pen tuqym týraly málimet ótken jyldyń 29 jeltoqsanynda jańartylǵan.