Elimizde «eliktirgish gazdy» taratqandar qylmystyq jaýapkershilikke tartylýy múmkin

ASTANA. KAZINFORM – Qazaqstanda «eliktirgish gazdy» taratqandar qylmystyq jaýapkershilikke tartylýy múmkin. Іshki ister mınıstrligi tıisti usynystardy zań jobasyna engizgen.

«Qazir Parlamenttiń qaraýynda áseri kúshti zattardyń zańsyz aınalymy úshin jaýapkershilikti qatańdatýdy kózdeıtin zań jobasy bar. Buǵan túngi klýbtarda kezdesetin «eliktirgish gaz» (veselıaşıı gazdy) jatqyzýǵa bolady», - dedi Іshki ister mınıstrliginiń resmı ókili Shyńǵys Alekeshev mınıstrliktiń aptalyq baspasóz máslıhatynda. 

Bul turǵyda ol qazir Іshki ister mınıstrligi «eliktirgish gazǵa» jaýapkershilik engizýdi josparlap otyrǵanyn aıtty

«Bul zattar klýbtarda erkin satylyp jatyr. Soǵan jaýapkershilik engizýdi josparlap otyrmyz. Kún saıyn esirtkiniń jańa túrleri paıda bolyp jatyr. Ǵylymı tehnıkalyq jetistiktiń múmkindikterin paıdalanyp, jańa túrleriniń shyǵýyna múmkindik bar», - dedi ІІM resmı ókili. 

Óz kezeginde QR ІІM Esirtki qylmysyna qarsy is-qımyl departamentiniń orynbasary Baqytjan Ámirhanov adamnyń azǵasyna aýyr zııan keltiretin keıbir zattar boıynsha qazir Qazaqstanda jaýapkershilik kózdelmegenin aıtty.

«Osydan 2 jyl buryn tizimge engizilgen. Biraq «eliktirgish gazǵa» eshqandaı qylmystyq ta, ákimshilik te jaza eskerilmegen. Ony medıtsına tilinde zakıs azota deıdi. Qazir ol tizimde tur. Zań qabyldanǵanda oǵan qylmystyq jaýapkershilik bolady», - dedi B. Ámirhanov.