Elimizde elektrli júk kólikteri shyǵarylady
ASTANA. KAZINFORM — Úkimet otyrysynda Ónerkásip jáne qurylys mınıstri Ersaıyn Naǵaspaev Qazaqstanda júk kólikterin óndirý baǵyty jóninde málimdedi.
— Júk tehnıkasy óndirisi salasynda búginde elimizde Scania jáne HOWO sııaqty álemdik brendterdiń júk kólikteri shyǵarylady. Sonymen qatar salany odan ári damytý baǵytynda jańa jobalar da iske asyrylyp jatyr, — dedi ol.
Atap aıtqanda, bıyl IV toqsannan bastap Hyundai Trans Auto kásipornynda jylyna 500 VOLVO júk kóligin shyǵarý josparlanyp otyr. Sondaı-aq, Barys Truck Manufactory kompanııasy XCMG-men birlesip elektr júk kólikterin jobasyn júzege asyryp jatyr.
Aıta keteıik, buǵan deıin avtokólik óndirisinde aldaǵy maqsattar qandaı ekenin jazǵanbyz.
