Elimizde elektr energııasyn óndirý kólemi artty
ASTANA. KAZINFORM – Eldiń energetıkalyq qaýipsizdigin qamtamasyz etý turaqty qarqyn alyp keledi. 2025 jyldyń qorytyndysy boıynsha elektr energııasyn óndirý kólemi 123,1 mlrd kVt/saǵ-qa jetti. Bul josparlanǵan kórsetkishten 4,4%-ǵa joǵary. Bul týraly Energetıka mınıstrligi habarlady.
Salystyrmaly túrde aıtsaq, generatsııa kólemi 106 mlrd kVt/saǵ bolǵan 2019 jyldan beri energııa óndirý 16%-ǵa ósti, bul salanyń josparly damýyn rastaıdy.
2025 jylǵy oń nátıje Tekeli energııa kesheni men Topar GRES-iniń nysandaryn qosa alǵanda, jalpy qýaty 166 MVt bolatyn dástúrli generatsııanyń jańa jobalaryn iske qosýmen bekitildi.
2026 jyly óndiris kólemin ári qaraı 126,5 mlrd kVt/saǵ-qa deıin arttyrý josparlanyp otyr.Bul rette negizgi ósim qýattylyǵy 2,4 myń MVt bolatyn jańa nysandardy paıdalanýǵa berý esebinen qamtamasyz etiledi.
Jyldyń negizgi jobalaryna Qyzylordadaǵy 240 MVt jáne Túrkistandaǵy 1000 MVt bý-gaz qondyrǵylaryn iske qosý, Almatydaǵy jıyntyq qýaty 1100 MVt-tan astam 2-JEO men 3-JEO-ny jańǵyrtý, sondaı-aq Atyraý men Tekelidegi qýattardy keńeıtý jumystary kiredi.
Aıta keteıik, bıýdjettik uıym nysandaryna kún panelderinen elektr energııasyn alý múmkindigi berilmek.
Qazaqstandyq ǵalymdar mehanıkalyq terbelisterdi energııaǵa aınaldyratyn qurylǵy ázirledi.