Elimizde elektr energııasy boıynsha tapshylyq arta ma

ASTANA. KAZINFORM – QR Energetıka vıtse-mınıstri Suńǵat Esimhanov elimizdegi elektr energııasy boıynsha tapshylyq týraly suraqqa jaýap berdi.

- Elektr energııasyna qatysty tapshylyq 6 mlrd kVts deńgeıinde bolmaıdy. Jańa energııa qýattaryn iske qostyq, sondyqtan bıylǵy tapshylyq byltyrǵa qaraǵanda tómendeıdi dep esepteımiz. Negizgi ımport Reseıden kelip jatyr. Al ońtústiktegi kórshi elder bere alǵan jaǵdaıda ǵana ımporttalady. Atap aıtqanda, tapshylyq kólemi artpaıdy, - dedi S.Esimhanov Senatta tilshiler suraǵyna jaýap bere otyryp.

Budan buryn habarlanǵandaı, búgin Senattyń jalpy otyrysynda «Qazaqstan Úkimeti men Reseı Úkimeti arasyndaǵy QR men RF-tiń birtutas energetıkalyq júıeleriniń qatar jumys isteýin qamtamasyz etý jónindegi sharalar týraly kelisimdi ratıfıkatsııalaý týraly» Zańy maquldandy.

Qujat aıasynda Reseı Federatsııasynan Qazaqstannyń biryńǵaı energetıkalyq júıesine berýge josparlanǵan elektr energııasynyń kólemderin jyl saıyn kelisý eskerilgen.

Senator Súıindik Aldashevtiń sózine qaraǵanda, 2024 jyldyń qorytyndysy boıynsha elimizde elektr energııasyn tutyný kólemi óndirý kórsetkishterinen asyp tústi. Naqty aıtqanda, elektr energııasynyń óndirisi 117,9 mlrd kVts, bul rette tutyný – 119,9 mlrd kVts qurady. Byltyr Reseıden elektr energııasyn ımporttaý kólemi 3,1 mlrd kVts boldy. Ýákiletti organnyń boljamyna sáıkes, 2025 jyly elektr energııasyna tapshylyq 5,7 mlrd kVts quraıdy, bul 2024 jylǵy kórsetkishten 46 paıyzǵa artyq.