Elimizde ekinshi dúnıejúzilik soǵystyń 105 ardageri qalǵan

ASTANA. KAZINFORM – Eńbek jáne halyqty áleýmettik qorǵaý mınıstriniń orynbasary Oljas Anafın ortalyq kommýnıkatsııalar qyzmetinde ótken baspasóz máslıhatynda elde ekinshi dúnıejúzilik soǵystyń neshe ardageri qalǵanyn aıtty.

- 5 mamyrdaǵy jaǵdaı boıynsha Qazaqstanda Ekinshi dúnıejúzilik soǵystyń 105 ardageri jáne Jeńiske úles qosqan basqa sanattaǵy 40 707 azamat turady, - dedi ol.

Aıtýynsha, jergilikti ákimdikter jergilikti bıýdjet pen demeýshiler esebinen ardagerlerge jan-jaqty kómek kórsetken. Olar:

- kommýnaldyq qyzmetterge aqyny óteýge (2,6 mlrd teńge);
- turǵyn úıdi jóndeýge kómek (21,5 mln teńge);
- otyn satyp alýǵa (14,5 mln teńge);
- qoǵamdyq kólikte jol júrý jeńildikteri (4,1 mlrd teńge);
- dári-dármekpen qamtamasyz etý boıynsha (48,5 mln teńge);
- tis protezdeýge (441,9 mln teńge);
- azyq-túlik toptamasyna (103,9 mln teńge).

Eske salsaq, Astana ákimdiginiń qyzmetkerleri keshegi áskerı sherýge kire almaǵan tyl ardagerinen keshirim suraǵan bolatyn.