Elimizde eki joǵary oqý ornynyń ataýy ózgerdi

ASTANA. KAZINFORM — Qazaqstanda eki óńirdegi joǵary oqý ornynyń ataýy ózgertildi.

Ǵylym jáne joǵary bilim mınıstriniń 2025 jylǵy 17 naýryzdaǵy buıryǵymen Y. Altynsarın atyndaǵy Arqalyq pedagogıkalyq ınstıtýty Ybyraı Altynsarın atyndaǵy Arqalyq pedagogıkalyq ýnıversıteti bolyp ózgertildi. 

Sondaı-aq Shákárim atyndaǵy Semeı ýnıversıtetiniń ataýy «Shákárim ýnıversıteti» bolyp ózgertildi.

Buıryq qol qoıylǵan kúninen bastap kúshine enedi.

Aıta ketsek, Arqalyq pedagogıkalyq ınstıtýty 1972 jyly 12 sáýirde quryldy, 1977 jyly qazanda joǵary oqý ornyna Y. Altynsarınnyń esimi berildi.

Al Shákárim atyndaǵy ýnıversıtet 1934 jyly Semeı pedagogıkalyq ınstıtýty retinde quryldy, al 1936 jyly oqý ornyna Sáken Seıfýllınniń esimi berildi. 1993 jyly ınstıtýtqa Shákárim Qudaıberdiulynyń esimi berildi.

Eske salaıyq, byltyr joǵary oqý oryndaryn basqarýdyń jańa modeli ázirlenip jatqany týraly habarlaǵan bolatynbyz.

Sonymen qatar ótken jyly otandyq joǵary oqý oryndaryna táýelsiz baǵalaý júrgiziletini aıtyldy.