Elimizde keıingi eki jylda 54 jańa ken orny ashyldy
ASTANA. KAZINFORM — 2024-2025 jyldary Qazaqstanda 54 jańa ken orny memlekettik esepke alyndy. Onyń 40-tan astamy qatty paıdaly qazbalarǵa tıesili.
Ónerkásip jáne qurylys mınıstrliginiń málimetinshe, 2024 jyly alǵash ret memlekettik esepke 35 ken orny engizilgen. Onyń ishinde 23-i qatty paıdaly qazbalar, altaýy kómirsýtek shıkizaty jáne altaýy jerasty sýlaryna qatysty.
2025 jyly taǵy 19 jańa ken orny esepke qoıyldy. Olardyń 17-si qatty paıdaly qazbalarǵa, bireýi kómirsýtek shıkizatyna jáne bireýi jerasty sýlaryna tıesili.
Sonymen qatar osy kezeńde birqatar paıdaly qazba túrleri boıynsha resýrstar men qor kólemi artqan.
Atap aıtqanda:
-
altyn — 157 210,6 keli;
-
kúmis — 9 432 tonna;
-
mys — 122,7 myń tonna;
-
hrom keni — 927 myń tonna;
-
myrysh — 171,9 myń tonna;
-
qorǵasyn — 114,8 myń tonna;
-
temir keni — 262,2 mln tonna;
-
marganets — 11,052 myń tonna;
-
fosfor keni — 1,338 mln tonna;
-
munaı — 199 myń tonna;
-
gaz — 22 mlrd tekshe metr;
-
jerasty sýlary — táýligine 104,148 myń tekshe metr.
Aıta keteıik, qazirgi tańda Qazaqstannyń memlekettik balansynda paıdaly qazbalardyń ártúrli túrleri boıynsha shamamen 10 myń ken orny bar.
Eske salaıyq, buǵan deıin Qazaqstan Respýblıkasy Premer-mınıstriniń birinshi orynbasary Nurlybek Nálibaev negizgi ınvestıtsııalyq jobalardy iske asyrý máseleleri boıynsha keńes ótkizgenin habarlaǵanbyz.
