Elimizde doktorantýra grantyn ıelengender tizimi jarııalandy

Ulttyq testileý ortalyǵy 2023-2024 oqý jyly boıynsha joǵary jáne joǵary oqý ornynan keıingi bilim berý uıymdarynda PhD doktorlaryn daıarlaýǵa arnalǵan memlekettik bilim berý tapsyrysyn jarııalady, dep habarlaıdy Kazinform. 

Tizimge 49 bilim berý mekemesi engen. Olardyń qatarynda respýblıkalyq jáne aımaqtyq ýnıversıtetter bar. Jalpy oryn sany – 712, onyń ishinde nysanaly oryn – 107.

Memlekettik bilim berý tapsyrysy boıynsha jáne aqyly negizde doktorantýraǵa túsýge arnalǵan konkýrsqa qatysý úshin shekti ball – 75.

2022 jyldan bastap doktorantýraǵa túsý úshin shet tilin bilý týraly sertıfıkatpen qatar QAZTEST júıesi boıynsha memlekettik tildi meńgergenin rastaıtyn sertıfıkat usyný qajet.

Granttar tizimin myna jerden kórýge bolady.