Elimizde derbes derekterdi qorǵaý isi kúsheıtiledi
ASTANA. KAZINFORM – Quqyq buzýshylyqtardyń aldyn alý jónindegi vedomstvoaralyq komıssııa otyrysynda Premer-mınıstrdiń orynbasary – jasandy ıntellekt jáne tsıfrlyq damý mınıstri Jaslan Mádıev Premer-mınıstrge kıberqaýipterge qarsy kúres boıynsha qabyldanyp jatqan sharalar týraly baıandady.
Onyń aıtýynsha, mınıstrlik derbes derekterdi qorǵaý boıynsha jumys júrgizilýde. Derekterdi saqtaýdyń naqty merzimderi men óńdeý erejeleri belgilendi.
Egov Mobile mobıldi qosymshasynda azamattardyń derbes derekterdi óńdeýge kelisimin keri qaıtaryp alý tetigi engizildi. Jeke derekterdi qorǵaý baǵytynda «Derbes derekter jáne olardy qorǵaý týraly» zańǵa ózgerister engiziledi.
— Derbes derekter operatorlarynyń tizilimin qurý, sondaı-aq derekterdiń buzylýy týraly azamattardy habardar etý mindeti josparlanýda. Konstıtýtsııalyq reforma sheńberinde derekterdiń jappaı taralyp ketýine qatysty qosymsha qylmystyq jaýapkershilik engiziledi. Maqsaty — derekterdi qorǵaýdy kúsheıtý, azamattardyń tsıfrlyq qyzmetterge degen jaýapkershiligi men senimin nyǵaıtý, — dep atap ótti spıker.
Aıta ketelik Bektenov «Tsıfrlyq polıtseı» jobasyn engizýdi jedeldetýdi tapsyrǵan edi.