Elimizde datchık ornatýdyń arqasynda 248 adam gazdan ýlanýdan aman qaldy

ASTANA. KAZINFORM — Jyl basynan beri gaz ıistenýiniń 55 faktisi tirkelgen. Datchıkterdi ornatýdyń arqasynda biraz adam tiri qalǵan. Bul týraly Tótenshe jaǵdaılar mınıstrligi órtke qarsy qyzmet komıteti tóraǵasynyń mindetin atqarýshy Erlan Tóregeldıev málim etti. 

Елімізде датчик орнатудың арқасында 248 адам өрттен аман қалды
Фото: пресс-служба ДЧС ВКО

 — Gazdan ýlanýdyń aldyn alýǵa erekshe nazar aýdaryp jatyrmyz. Ótken jyly 1 maýsymnan bastap turǵyn úılerge 33 myńnan astam órt datchıgi ornatyldy. Jalpy alǵanda, sońǵy bes jylda 228 myń datchık qoıyldy. Datchıkterdi ornatqan ýaqyttan beri 55 gazdyń ıistený faktisi tirkelip, sonyń arqasynda 248 adamnyń ómirin saqtap qaldyq, — dep Erlan Tóregeldıev ortalyq kommýnıkatsııalar qyzmeti alańynda ótken baspasóz máslıhatynda.

Sondaı-aq TJM ókili halyqty órt qaýipsizdigine qatysty aqparattandyrýdyń jańa tásilderi engizilip jatqanyn aıtty. 

— Máselen órt qaýipsizdigi týraly QR kodtar, LED ekrandary jáne ata-analar chattary habarlamalar taratylyp, nasıhattalady. Bul shara órt táýekeli týraly eskertýlerdi lezde taratýǵa múmkindik beredi. Odan bólek «Órtten saqtan», «Qaýipsiz pesh» aktsııalary aıasynda halyqtyń áleýmettik osal toptaǵy 105 myń úı qamtyldy, al 300 myńǵa jýyq adamǵa nusqaý berildi, — deıdi ol.

Osy oraıda mamandar qazaqstandyqtardy órt qaýipsizdigi erejelerin qatań saqtaýǵa shaqyrady. 

Buǵan deıin TJM ókili qaýipsizdikti saqtamaǵannan órt shyqsa, úı ıesiniń jaýapkershiligine qatysty túsinik bergen edi
Aıta keteıik, jyl basynan beri elimizde 1 myńnan astam órt shyǵý faktisi tirkelip, 52 adam ajal qushty

Сейчас читают