Elimizde dári-dármek pen medqyzmetterge tólemde JSN talap etilýiniń sebebi túsindirildi
ASTANA. KAZINFORM – Qazaqstanda dári-dármek satyp alý jáne medıtsınalyq qyzmetterge aqy tóleý kezinde chekterde patsıenttiń jeke sáıkestendirý nómirin (JSN) kórsetý talaby ne úshin qarastyrylyp jatqany belgili boldy.
Qarjy vıtse-mınıstri Erjan Birjanov Májilis kýlýarynda bul tetik qarajattyń maqsatty jumsalýyn baqylaýǵa baǵyttalǵanyn aıtty.
– Bul mehanızm belgili bir sanattaǵy azamattarǵa dári-dármek satyp alýǵa bólingen qarajattyń naqty sol maqsatqa jumsalǵanyn rastaý úshin qarastyrylyp otyr, - dedi ol.
Sonymen qatar vıtse-mınıstr bul tetikti engizý birqatar tehnıkalyq qıyndyqtarǵa baılanysty ekenin atap ótti. Onyń aıtýynsha, jańa júıe barlyq azamattyń qarjylyq operatsııalaryn tolyq baqylaýdy kózdemeıdi.
– Mysaly, eger siz dári-dármekti tek óz kartańyz arqyly satyp alsańyz jáne biz sol karta boıynsha tolyq derekter alatyn bolsaq, onda sáıkestendirý júrgizýge bolady. Biraq qazirgi tańda biz barlyq azamattar boıynsha tolyq derekterdi almaımyz, sondyqtan bul artyq shara bolýy múmkin. Biz muny durys emes dep esepteımiz, - dedi Erjan Birjanov.
Aıta keteıik, Qazaqstanda medıtsınalyq qyzmetter men dári-dármek úshin tólem jasaǵanda beriletin chekterde patsıenttiń JSN-i kórsetilýi múmkin ekenin jazǵanbyz.
