Elimizde bıýdjetti josparlaýda jasandy ıntellekt qoldanylmaq
ASTANA. KAZINFORM – Kelesi jyly memlekettik bıýdjetti josparlaý aıasynda jasandy ıntellektini qoldaný josparlanyp otyr.
Búgin Úkimet otyrysynda kúndelikti ómirde jasandy ıntellektini engizý máselesi qozǵaldy. Osy oraıda BAQ ókilderi Qarjy vıtse-mınıstri Áset Turysovtan bıýdjetti ázirleýde jasandy ıntellektiniń kómegine júgine me degen saýal qoıdy.
- Memlekettik josparlaýda jasandy ıntellekt qoldanylmady. Búgingi Úkimet otyrysynda salalyq jasandy ıntellektiniń damıtyny aıtyldy. Qarjy mınıstrligi bul máseleni zerttep, kirister men shyǵystardy josparlaý kezinde derekterdi júkteýdi josparlap otyrmyz, ıaǵnı belgili bir kirister men shyǵystardy boljaý kezinde jasandy ıntellektini paıdalaný, - dep jaýap berdi Áset Turysov.
Vıtse-mınıstrdiń aıtýynsha, memlekettik josparlaý salasyna jasandy ıntellektini engizý 2025 jylǵa josparlanǵan.
- Tsıfrlyq damý, ınnovatsııalar jáne aeroǵarysh ónerkásibi mınıstrligimen birlesip engizetin bolamyz. Bıýdjetti josparlaý kezinde, bıýdjettik ótinimderdi qaraý kezinde derekterdi jyldam jiberý turǵysynda qoldanylady. Bul jumys búginde qolmen jasalady nemese taldaýshylar deńgeıinde ǵana talqylanady, - deıdi ol.
Aıta keteıik, búgin Úkimettiń kóshpeli otyrysy tsıfrlandyrý jáne jasandy ıntellekt taqyrybyna arnaldy. Belgili bolǵandaı, keler jyldan bastap memlekettik qyzmetshiler jasandy ıntellekt kýrsynan ótedi.
Sondaı-aq, Premer-mınıstr Oljas Bektenov tsıfrlyq qyzmettiń deni halyq úshin kúrdeli ekenin aıtyp, protsesti jeńildetýdi júktedi.
Odan bólek, Úkimet basshysy neırondyq jeliler arqyly tótenshe jaǵdaılardy boljap, aldyn alý múmkindigi týraly aıtty.