Elimizde buralqy ıtter kóbeıip barady - Ekologııa mınıstri

ASTANA. KAZINFORM – Ekologııa jáne tabıǵı resýrstar mınıstri Erlan Nysanbaev eldi mekenderde buralqy ıtterdiń kóbeıýi turǵyndarǵa qaýip tóndirip jatqanyn aıtty.

Onyń sózine qaraǵanda, qazir buralqy ıtterdiń adamdarǵa qatysty qaýpi azaımaı otyr. ıAǵnı ıesiz ıtter kóbeıip barady. Tamaq izdep kóshe kezip júrgen ıtterden turǵyndar qorqady.

«Bul turǵyda osy ıtterdiń ıelerine qatysty jaýapkershiligin qarastyrýymyz kerek. Óıtkeni ıt asyraý – úlken jaýapkershilik. Men ózim eki ıt asyrap otyrmyn. Osy eki úlken tóbettiń kútimine erekshe qaraımyn. Atap aıtqanda, jalpy halyqtyń osy máselege qatystysty jaýapkershiligin qarastyrý qajet. Birinshiden, kúshik asyrap alsańyz, ony qartaıǵansha baǵý kerek. Máselen, meniń ıtterim óte kári - 13 jasta. Itter uzaq ómir súrmeıdi. Sondyqtan mundaǵy jaýapkershilikti naqtylap, túsindirýimiz kerek», - dedi E. Nysanbaev Senatta tilshiler suraǵyna jaýap bere otyryp.

Tilshiler mınıstrden ıtterdi baǵyp ustaıtyn arnaıy oryndardy kóbeıtý múmkindigi týraly surady.

«Meniń bilýimshe, osyndaı nysandardy salýǵa nıet bildirgen adamdarǵa oblystarda tıisti jer ýchaskeleri bólingen. Biraq qarjylandyrýǵa baılanysty protsess uzaqqa sozylady. Jalpy, buralqy ıtterden qaýip bar. Al adamdardyń densaýlyǵy birinshi orynda bolýy tıis», - dedi mınıstr.