Elimizde bir táýlikte úsh orman órti tirkeldi
ASTANA. KAZINFORM — 25 qazan kúni elimizdiń memlekettik orman qory aýmaǵynda 3 orman órti tirkeldi. Bul týraly Ekologııa jáne tabıǵı resýrstar mınıstrligi habarlady.
Qostanaı oblysynda eki órt oqıǵasy tirkeldi. Taǵy bir órt «Semeı ormany» memlekettik orman tabıǵı rezervatynyń aýmaǵynda boldy.
Órt oshaqtary avıatsııalyq monıtorıng barysynda anyqtaldy. Órtterdi sóndirý jumystaryna orman kúzeti qyzmetkerleri men qajetti arnaıy tehnıka jumyldyryldy. Qazirgi tańda órt oshaqtary tolyqtaı sóndirildi.
— Orman órtteriniń aldyn alý maqsatynda azamattardy tabıǵat aıasynda órt qaýipsizdigi talaptaryn saqtaýǵa jáne otty paıdalanǵanda barynsha muqııat bolýǵa shaqyramyz. Ormandy qorǵaý jáne tabıǵı baılyqtardy saqtaý — barshamyzǵa ortaq mindet, — delingen habarlamada.
Osyǵan deıin Qyzylorda oblysynda júk kóligi men tirkemesi órtengenin habarladyq.
