Elimizde bir táýlikte naızaǵaı saldarynan tórt orman órti tirkeldi
ASTANA. KAZINFORM — 2026 jylǵy 29 maýsymda Qazaqstannyń memlekettik orman qory aýmaǵynda tórt orman órti tirkeldi, dep habarlaıdy Orman sharýashylyǵy jáne janýarlar dúnıesi komıtetiniń baspasóz qyzmeti.
— Órtterdiń bireýi Qostanaı oblysynda, bireýi Shyǵys Qazaqstan oblysynda, al ekeýi «Semeı ormany» memlekettik orman tabıǵı rezervatynyń aýmaǵynda bolǵan, — delingen komıtet habarlamasynda.
Aldyn ala málimet boıynsha, barlyq órttiń shyǵýyna naızaǵaı razrıadtary sebep bolǵan kórinedi.
Ýákiletti organdar órt qaýipti kezeńde tabıǵat aıasynda demalý kezinde órt qaýipsizdigi talaptaryn qatań saqtaýǵa shaqyrdy. Mamandardyń aıtýynsha, ormandy qorǵaý — ár azamattyń ortaq mindeti.
Buǵan deıin 28 maýsymda elimizde 5 orman órti tirkelgenin jazǵanbyz.
