Elimizde bir táýlikte 9 orman órti tirkeldi
ASTANA. KAZINFORM – 17 tamyzda respýblıka boıynsha 9 orman órti tirkeldi, dep habarlaıdy Ekologııa jáne tabıǵı resýrstar mınıstrligi.
Órt oshaqtary Shyǵys Qazaqstan oblysynda – 1, Qaraǵandy oblysynda – 2, Qarqaraly memlekettik ulttyq tabıǵı parkinde – 1, Katonqaraǵaı memlekettik ulttyq tabıǵı parkinde – 1, «Ertis ormany» memlekettik orman tabıǵı rezervatynda – 2 jáne «Semeı ormany» memlekettik orman tabıǵı rezervatynda – 2 ret tirkelgen.
– Órt oshaqtary «Qazavıaormanqorǵaý» RMQK áýe patrýldeýi jáne memlekettik orman kúzetiniń jerústi patrýldeýi barysynda der kezinde anyqtaldy. Órtterdi sóndirýge orman sharýashylyǵy qyzmetkerleri, «Qazavıaormanqorǵaý» RMQK kúshteri men qajetti tehnıka jumyldyryldy, – delingen habarlamada.
Qazirgi ýaqytta órt oshaqtaryn oqshaýlaý jáne tolyq sóndirý jumystary jalǵasyp jatyr.
Vedomstvo órt qaýpi joǵary kezeńde azamattardy tabıǵat aıasynda demalý kezinde órt qaýipsizdigi talaptaryn qatań saqtaýǵa shaqyrdy.
Aıta keteıik, 1300-ge jýyq qutqarýshy elimizdiń tórt óńirindegi órtpen kúresip jatyr.
