Elimizde bir táýlikte 3 orman órti sóndirildi
ASTANA. KAZINFORM — 2026 jylǵy 23 shildede elimizdiń memlekettik orman qory aýmaǵynda 3 orman órti tirkeldi, dep habarlaıdy Ekologııa jáne tabıǵı resýrstar mınıstrliginiń baspasóz qyzmeti.
Óńirler boıynsha:
- Qaraǵandy oblysy — 1 órt;
- «Ertis ormany»MOTR — 2 órt.
Mınıstrlik málimetinshe, órt oshaqtary orman órtterin erte anyqtaý júıesi jáne memlekettik orman kúzetiniń jerústi patrýldeýi barysynda der kezinde anyqtalyp, qyzmetkerlerge habar berý arqyly oqshaýlanyp, tolyq sóndirildi.
— Órtti sóndirýge orman sharýashylyqtarynyń qyzmetkerleri men tahnıkalary jáne «Kazavıaormanqorǵaý» RMKQ tikushaǵy men áýe desantshylary jumyldyryldy. Orman órtteriniń aldyn alý — ár azamattyń ortaq mindeti. Azamattardy tabıǵat aıasynda demalý kezinde órt qaýipsizdigi talaptaryn qatań saqtaýǵa shaqyramyz, — delingen habarlamada.
Buǵan deıin keshe de elimizdiń orman qory aýmaǵynda bir kúnde 3 orman órti tirkelgen bolatyn.
