Elimizde bir kúnde tórt orman órti tirkeldi
ASTANA. KAZINFORM — 7 qyrkúıekte elimizdiń memlekettik orman qory aýmaǵynda tórt orman órti tirkeldi.
Órttiń bireýi Shyǵys Qazaqstan oblysynda, ekeýi Qostanaı oblysynda, taǵy biri Kókshetaý memlekettik ulttyq tabıǵı parkinde bolǵan.
Ekologııa jáne tabıǵı resýrstar mınıstrliginiń málimetine qaraǵanda, orman alqaptaryndaǵy órt oshaqtary «Qazavıaormanqorǵaý» RMQK júrgizetin áýe patrýldeýi jáne memlekettik orman kúzetiniń turaqty baqylaýy barysynda der kezinde anyqtalǵan.
Órtti sóndirýge memlekettik orman kúzetiniń qyzmetkerleri, áýe órt sóndirý desanttary, tikushaqtar men arnaıy tehnıka jumyldyryldy.
— Jedel qabyldanǵan sharalardyń nátıjesinde barlyq órt tolyq toqtatylyp, jalynnyń odan ári taralýyna jol berilmedi. Qazirgi ýaqytta jaǵdaı turaqty baqylaýda, — delingen habarlamada.
Mamandar azamattardy ormanda órt qaýipsizdigi talaptaryn qatań saqtaýǵa úndedi.
Eske salaıyq, buǵan deıin Almaty oblysyndaǵy Іle ormanshylyǵynda shyqqan órt tolyq sóndirilgenin jazǵanbyz.
