Elimizde bir gramm altyn qansha turady
ASTANA. KAZINFORM - Qazaqstanda sońǵy bir aptada altynnyń bir gramy 3,4 myń teńgeden astamǵa qymbattady.
QR Ulttyq bankiniń dereginshe, 27 tamyzdaǵy jaǵdaı boıynsha bir gramm altynnyń baǵasy 68 184,27 teńge. Al osydan bir apta buryn, ıaǵnı 20 tamyzda onyń baǵasy 64 729,57 teńge bolǵan. Osylaısha, nebári jeti kún ishinde altynnyń bir gramy 3 454,70 teńgege qymbattap otyr.
Álemdik naryqta da altyn baǵasy ósip keledi. Altynnyń spot baǵasy 0,8%-ǵa kóterilip, bir troıa ýntsııasy 4 630,09 dollarǵa jetti. AQSh-ta altyn fıýchersteriniń baǵasy 0,7%-ǵa ósip, 4 685,50 dollar boldy.
Buǵan deıin Qazaqstannyń álemdegi ortalyq bankter arasynda altyndy eń kóp satyp alǵan elderdiń qataryna kirgeni habarlanǵan. Dúnıejúzilik altyn keńesiniń deregine sáıkes, 2026 jyldyń ekinshi toqsanynda QR Ulttyq banki eldiń altyn qoryn 15 tonnaǵa tolyqtyrdy.
Osy kezeńdegi altyn satyp alý kólemi boıynsha Qazaqstan ortalyq bankter arasynda alǵashqy bestikke endi.
Aıta óteıik, buǵan deıin baǵaly metaldyń baǵasy bir aptada 1200 teńgeden astamǵa tómendegeni habarlandy.
