Elimizde bir gramm altyn qansha turady
ASTANA. KAZINFORM – Baǵaly metaldyń baǵasy bir aptada 1200 teńgeden astamǵa tómendedi.
QR Ulttyq bankiniń málimetinshe, 20 tamyzdaǵy jaǵdaı boıynsha bir gramm altynnyń baǵasy 64 729,57 teńgeni qurady.
Bir apta buryn, 13 tamyzda bir gramm altynnyń baǵasy 66 004,73 teńgeni quraǵan. Osylaısha, altyn jeti kúnde 1275,16 teńgege arzandady.
Bul rette qazirgi baǵa tamyz aıynyń basyndaǵy deńgeıden joǵary bolyp qaldy.
Eske sala ketsek, Ulttyq banktiń 6 tamyzdaǵy deregine sáıkes, bir gramm altynnyń baǵasy 61 444,62 teńge boldy.
Jalpy alǵanda, Qazaqstandaǵy altynnyń eń joǵary quny 2026 jyly 30 qańtarda tirkeldi – sol kezde bir gramm úshin baǵasy 89 002,60 teńgege jetti.
Aıta ketý kerek, altynnyń baǵasy eki aıdan astam ýaqyt ishinde eń joǵary deńgeıge jetkennen keıin 20 tamyzda álemdik naryqta da tómendedi. Spot baǵa 0,6%-ǵa tómendep, troıa ýntsııasy úshin 4495,69 dollardy qurady.
