Elimizde bir gramm altyn baǵasy qansha
ASTANA. KAZINFORM — Qazaqstanda keıingi bir aptada altyn baǵasy ósti.
Ulttyq bank 23 shildede bir gramm altynnyń qunyn 61 925,12 teńge dep belgiledi.
16 shildede ol 60 819,14 teńge bolǵan. Demek, bir apta ishinde altyn 1 105,98 teńge qymbattady.
Al álemdik naryqta altyn quny beısenbi kúni eki aptalyq eń joǵary deńgeıge jetkennen keıin azdap tómendedi. Baǵa 0,2% túsip, bir troıa ýntsııasy úshin 4 122,49 dollar boldy. AQSh-ta tamyz aıyndaǵy fıýcherster 0,6% arzandap, 4 125,30 dollarǵa jetti.
Dúnıejúzilik altyn keńesiniń málimetinshe, 2026 jyldyń birinshi jartyjyldyǵy altyn naryǵy úshin aıryqsha qubylmaly kezeń boldy.
Jyl basynan beri altyn baǵasynyń rekordtyq kórsetkishi 12 ret jańardy. Al qańtar aıynyń sońynda bir ýntsııa úshin 5 405 dollarǵa jetti. Alaıda maýsym aıynda baǵa 4 002 dollarǵa deıin tómendep, jyl basynan beri orta eseppen 7% tústi. Al naryqtaǵy baǵanyń qubylý kórsetkishi 30%-ǵa artty.
Baǵanyń ózgerýine Taıaý Shyǵystaǵy geosaıası shıelenistiń kúsheıýi, ınvestorlar ustanymdarynyń ózgerýi jáne baǵa óskennen keıin paıdany tirkeý negizgi sebep boldy.
Aıta keteıik, buǵan deıin Aqmola oblysynda altyn óńdeıtin jasyryn tseh anyqtalǵanyn jazǵanbyz.
