Elimizde bir aptada 47 orman órti tirkeldi

Onyń ishinde jergilikti atqarýshy organdarǵa qarasty orman sharýashylyǵy mekemelerinde – 21 órt, memlekettik orman qory jerlerinde – 26 órt.

Órt oshaqtary memlekettik orman kúzetiniń jerústi baqylaýy, RMQK «Qazavıaormanqorǵaý» kásipornynyń áýe patrýldeýi jáne orman órtterin erte anyqtaý júıeleri arqyly der kezinde anyqtaldy.

Órtterge jedel den qoıý maqsatynda memlekettik orman kúzetiniń qyzmetkerleri, RMQK «Qazavıaormanqorǵaý» avıatsııasy men áýe órt sóndirý desanttary, sondaı-aq qajetti kúshter men tehnıka jumyldyryldy.

Qabyldanǵan jedel sharalardyń nátıjesinde órtterdiń taralýyna jol berilmeı, oshaqtar qysqa merzimde oqshaýlanyp, sóndirildi.

– Ormandy qorǵaý – ortaq mindet. Tabıǵat aıasynda demalý kezinde órt qaýipsizdigi talaptaryn qatań saqtaýǵa shaqyramyz, - delingen Ekologııa mınıstrligi habarlamasynda.

Aıta keteıik, «Semeı ormany» rezervatynda jańa tehnıka satyp alýǵa 3,1 mlrd teńge qarjy bólindi.