Elimizde bir adam aıyna qansha shaı ishedi
ASTANA.KAZINFORM - Bıyl qańtar-shilde aılarynda Qazaqstanda 9 143 tonna shaı jáne kofe óndirildi. Onyń ishinde 3 829 tonnasy shaı. Bul týraly Ulttyq statıstıka bıýrosy habarlady.
Óńirlik bóliniste shaı óndirisiniń negizgi úlesi Almaty qalasyna tıesili - 92,1% (3 528 tonna). Bul kórsetkish boıynsha Almaty qalasy óńirler arasynda kósh bastap tur.
Importtyń úlesine sergitkish sýsynnyń 74,1%-y tıesili, elge shaı óniminiń 18,3 myń tonnasy ákelindi. Alty aı ishinde 3,9 myń tonna shaı men kofe eksportqa shyǵaryldy. Іshki naryqta barlyǵy 20,8 myń tonna ónim ótkizildi.
Jalpy, shaı tutyný kólemi bir adamǵa aıyna orta eseppen shamamen 100 gramm.
Shaıdyń negizgi jetkizýshi elderiniń qatarynda Kenııa bar, onyń úlesine ımporttalǵan ónimniń 27,2%-y tıesili.
Sondaı-aq shaıdyń negizgi kólemi Úndistan, Reseı, Italııa jáne Qytaıdan ákelinedi.
Qytaıda robot shaı jınaýdy úırengenin jazǵan edik.
Elimizde shaı men kofe satylymy azaıdy.
