Elimizde bızneske jan bite bastady: qaı salalarda ósim bar
ASTANA. KAZINFORM — Qazaqstanda tamyz aıynda iskerlik belsendilik jandandy. Іskerlik belsendilik ındeksi (ІBI) 50,6 bolyp, beıtarap deńgeıden joǵary kóterildi.
Ulttyq banktiń málimetinshe, iskerlik belsendiliktiń artýy negizinen qurylys, óndiris jáne qyzmet kórsetý salalarynda baıqaldy. Tamyz qorytyndysy boıynsha bul salalardaǵy ındeks tıisinshe 54,8, 52,1 jáne 50,9 boldy. Shildede kórsetkishter 51,8, 52,1 jáne 50,4 deńgeıinde bolǵan.
Al saýda men taý-ken óndirý ónerkásibinde de oń dınamıka baıqalǵanymen, eki sektordaǵy ındeks áli de 50 pýnkttik beıtarap deńgeıden tómen qaldy. Saýdadaǵy kórsetkish 48,8, taý-ken óndirisinde 48,6 boldy. Shildede bul kórsetkishter sáıkesinshe 46,8 jáne 47,1 edi.
— Tamyzda bıznes-ahýal ındeksi 10,7 boldy. Bul rette bıznestiń aǵymdaǵy jaǵdaıdy baǵalaýy tómendegen. Al aldaǵy kezeńge qatysty kásipkerlerdiń kútýleri aıtarlyqtaı ózgermegen, — delingen habarlamada.
Eske salaıyq, buǵan deıin Qazaqstanda shaǵyn bıznesti sýbsıdııalaý sharttary ózgeretinin habarlaǵanbyz.
