Elimizde bıylǵy UBT bastaldy

ASTANA. KAZINFORM – Búgin oqýshylar ulttyq biryńǵaı testileýden ótip jatyr. Bul – synaqtyń birinshi kezeńi.

Bul týraly Ulttyq biryńǵaı testileý ortalyǵynyń áleýmettik jelidegi resmı paraqshasynda aıtyldy.

- Qańtar UBT-sy bastaldy. Sáttilik! – delingen jelide.

Aıta keteıik, UBT-daǵy pánderdiń sany ózgerissiz qaldy, ıaǵnı úsheýi mindetti jáne ekeýi tańdaý boıynsha. UBT tapsyrmalar sany ózgerissiz qaldy, jalpy 120 suraq. Onyń ishinde «Qazaqstan tarıhynan» 20 tapsyrma, «Oqý saýattylyǵynan» 10 tapsyrma, «Matematıkalyq saýattylyqtan» 10 tapsyrma jáne eki beıindik pán boıynsha 40 tapsyrma. Joǵary ball – 140.

Testileý ýaqyty – 4 saǵat (240 mınýt). Bul rette erekshe bilim berý qajettilikteri bar balalarǵa qosymsha 40 mınýt ýaqyt beriledi.

Eske sala keteıik, qańtar aıynda ótetin UBT-ǵa ótinish qabyldaý 20 jeltoqsanda bastalǵan edi.