Elimizde bıyl krahmal-sirne zaýyty iske qosylady

ASTANA. KAZINFORM — Zaýytta jylyna 150 myń tonna júgeri óńdeledi, dep habarlaıdy QR Aýyl sharýashylyǵy mınıstrliginiń baspasóz qyzmeti.

Túrkistan oblysynda «Kazkrahmal» JShS júgerini tereń óńdeý jobasyn júzege asyrýdy jalǵastyryp jatyr.

Qazirgi tańda shıkizatty qabyldaý, keptirý jáne saqtaý keshenderi iske qosyldy. Óndiristik qýattardy engizý jáne qaldyqsyz óńdeý tehnologııasyn qoldaný jumystary júrgizilgen.

— 2025 jyly krahmal, sirne, taǵamdyq glıýkoza, maltoza sıropy, júgeri maıy, glıýten, kebek jáne túıirshiktelgen quramajemdi qosa alǵanda 20-dan astam ónim túrin shyǵarý josparlanǵan. Óndiriste tek genetıkalyq túrlendirilmegen júgeri paıdalanylatyn bolady, — dep atap ótti mınıstrlik.

Jalpy ınvestıtsııalar kólemi 35 mlrd teńgeni quraıdy. Kásiporynnyń ónimderi ishki naryqta da, sondaı-aq Azııa men Eýropa elderinde de suranysqa ıe bolady.

Jobany iske asyrý Qazaqstannyń eksporttyq áleýetin arttyryp, óńirdiń ınvestıtsııalyq tartymdylyǵyn jańa deńgeıge kóteredi.

Osydan buryn Jetisý oblysynda zamanaýı akkýmýlıator zaýyty iske qosylyp, 180 jańa jumys orny ashylǵanyn jazǵanbyz.