Elimizde barlyq baǵyt boıynsha jol ashyq

ALMATY. KAZINFORM - «QazAvtoJol UK» AQ derekteri boıynsha qazir elimizde barlyq baǵyt boıynsha joldar ashyq.

2025 jylǵy 7 qarasha saǵat 08:00-de buǵan deıin jabylǵan myna respýblıkalyq mańyzy bar avtojoldardaǵy kólik qozǵalysy qaıta jandandy:

• «Astana – Shiderti – Pavlodar – Ýspenka – RF shek.» avtojolynyń 16-200-shaq., (Astanadan Pavlodar oblysynyń shekarasyna deıin).

• «Astana – Ereımentaý - Shiderti» avtojolynyń 200-254-shaq., (Aqmola oblysynyń shekarasynan Shiderti aýylyna deıin).

Kompanııa qazaqstandyqtarǵa «112» qutqarý qyzmetinen aýa raıynyń nasharlaǵany jóninde SMS-habarlama alǵan kezde buǵan nazar aýdarýdy jáne eldi mekenderden uzaq saparǵa shyqpaýdy eskertti.

Aýa raıy

2025 jylǵy 7 qarashada Qostanaı, Aqmola, Soltústik Qazaqstan, Shyǵys Qazaqstan, Aqtóbe, Abaı, Qaraǵandy jáne Pavlodar oblystarynda qar aralas jańbyr men qar jaýady.

– Sol sebepti júrgizýshilerge jyldamdyq rejımi men qaýipsiz araqashyqtyqty qatań saqtap, joldardaǵy aýa raıynyń qolaısyzdyǵyn eskerýdi suraımyz, - delingen habarlamada.

Eske salaıyq, buǵan deıin Qazaqstanda alǵash ret kóktaıǵaqqa qarsy materıaldardyń ulttyq standarty ázirlengenin habarlaǵanbyz.